Saoráid Domhanda Faisnéise Bithéagsúlachta

Líonra idirnáisiúnta agus bonneagar sonraí is ea an tSaoráid Faisnéise Bithéagsúlachta Domhanda (GBIF), arna maoiniú ag rialtais an domhain, a bhfuil sé mar aidhm aige rochtain oscailte ar shonraí faoi gach cineál beatha ar an Domhan a chur ar fáil d'aon duine, áit ar bith.

Is é cuspóir na Saoráide Faisnéise Bithéagsúlachta Domhanda (GBIF) cur ar chumas úsáideoirí ar fud an domhain cainníochtaí ollmhóra de shonraí bithéagsúlachta domhanda a roinnt go hoscailte agus a chur in úsáid, rud a chuireann taighde eolaíoch i go leor disciplíní chun cinn, a spreagann forbairt theicneolaíoch agus inbhuanaithe, a éascaíonn caomhnú na bithéagsúlachta agus comhroinnt chothrom a tairbhí, agus a fheabhsaíonn cáilíocht beatha do bhaill na sochaí.

Rinneadh comhalta den tSaoráid Faisnéise Bithéagsúlachta Domhanda d'Éirinn in 2008, agus feidhmíonn an t-Ionad Náisiúnta Sonraí Bithéagsúlacta mar an nód GBIF d'Éirinn. Déantar sonraí bithéagsúlachta atá i mbunachar sonraí an Ionaid Sonraí a thabhairt isteach i dtairseach GBIF le cinntiú gur féidir sonraí na hÉireann a chur san áireamh i léarscáileanna idirnáisiúnta agus domhanda amach anseo. Ciallaíonn sé freisin go bhfuil acmhainní sonraí GBIF de bhreis is 3 bhilliún taifead bithéagsúlachta domhanda ar fáil do phobal taighde na hÉireann. Is féidir teacht ar shonraí tríd an tairseach sonraí GBIF.

Is é an Dr Liam Lysaght (NBDC) Cathaoirleach Bhord Rialaithe GBIF, is í Gemma Weir (NPWS) Ceann Toscaireachta na hÉireann chuig GBIF agus is í an Dr Michelle Judge (NBDC) Bainisteoir Nód GBIF na hÉireann.