Polasaí Príobháideachais

Le linn ghnáthoibríochtaí laethúla na cuideachta, d’fhéadfaimis na cineálacha sonraí seo a leanas a bhailiú:

Sonraí Pearsanta

• Ainm
• Seoladh
• Uimhir Theileafóin
• Ríomhphost
• Faisnéis íocaíochta – Ní stóráiltear go háitiúil í, téann na sonraí seo go slán thar nasc criptithe chuig ár soláthraí íocaíochta Stripe
• Seoladh IP – Bailithe go huathoibríoch ag freastalaithe gréasáin agus ní úsáidtear é le haghaidh aon ní seachas gnáthoibríochtaí laethúla TFC amhail seiceáil le haghaidh earráidí córais srl.
• Taifid de do chuid ceisteanna agus comhfhreagrais leis an ionad sonraí m.sh. trí ríomhphost nó trí litir

Sonraí Neamhphearsanta

Cineálacha brabhsálaithe agus fianáin – bailithe go huathoibríoch ag bogearraí anailísíochta agus suíomhanna gréasáin agus ní úsáidtear iad le haghaidh aon ní seachas rianú a dhéanamh ar fheidhmíocht an tsuímh ghréasáin agus comhéadan atá soláimhsithe a sholáthar d’úsáideoirí deiridh.

Tá Ionad Náisiúnta Sonraí Bithéagsúlacta CLG tiomanta do do phríobháideachas. Ní bhailímid sonraí pearsanta ach amháin nuair atá sé fíor-riachtanach chun croísheirbhísí an Ionaid Sonraí a sholáthar .i. bithéagsúlacht na hÉireann a dhoiciméadú agus a chaomhnú.

Mar sin d’fhéadfadh go mbeadh orainn sonraí pearsanta a bhailiú sna himthosca seo a leanas:

• Chun breathnuithe ar speicis a chuir tú isteach ar Thairseach Eolaíochta Saoránaí na hÉireann a stóráil. D’fhéadfadh go mbeadh orainn freisin ó am go chéile teagmháil a dhéanamh leat chun sainaithint speicis a fhíorú srl.
• Chun tacair sonraí a chuirtear isteach go díreach chuig an Ionad Náisiúnta Sonraí Bithéagsúlacta a chur ar fáil ar Léarscáileanna Bithéagsúlachta.
• Chun íocaíochtaí a phróiseáil le haghaidh marsantachta a ceannaíodh i siopa ar líne an Ionaid Sonraí.
• Chun rochtain a thabhairt ar réimsí slána dár gcórais m.sh. logálacha isteach úsáideoirí.
• Chun teagmháil a dhéanamh leat le faisnéis faoi fhorbairtí spéisiúla ag an Ionad Sonraí m.sh. liostaí postála. Níor cheart go dtarlódh sé seo ach amháin le do thoiliú.
• Chun athbhreithniú a dhéanamh ar iarratais ar phoist a dhéantar go díreach chugainn.

Déantar ár sonraí pearsanta a stóráil inár bhfreastalaithe féin de chuid Ionad Náisiúnta Sonraí Bithéagsúlacta in Institiúid Walton, Campas Thiar SETU, Carraig an Óir, Port Láirge, Éire, nó déantar iad a stóráil go slán ar fhreastalaithe a bhfuil balla dóiteáin de réir chaighdeán an tionscail acu, laistigh d'áis stórála thiomnaithe shlán atá á óstáil i bhfearann an AE. Déanfar roinnt faisnéise eolaíochta saoránaí a thaifeadadh ar fhreastalaithe UK CEH (INDICIA agus FIT count), agus déanfar sonraí eile a óstáil trí ArcGIS Online (arna óstáil laistigh den AE).

Déantar cineálacha áirithe sonraí breise a óstáil lenár soláthraithe seirbhíse:

• Déantar sonraí íocaíochta a óstáil le Stripe.
• Déantar clárúcháin d’imeachtaí a óstáil le Ticket Tailor.
• Déantar suíomhanna WordPress a óstáil ar fhreastalaithe AE le StableHost.
• Déantar liostaí postála a óstáil le MailChimp.
• Déantar ríomhphost a óstáil le Microsoft Office 365.
• Déantar gnéithe áirithe dár réiteach cúltaca a óstáil le Google Cloud Services.
• Déantar pacáistí anailísíochta a óstáil le Google Analytics agus WordPress.

Is ábhar mór imní dúinn slándáil do chuid sonraí chomh maith le trédhearcacht. Ní aistreofar do chuid sonraí chuig aon tríú páirtí mura bhfuil údarú sainráite tugtha agat sna himthosca seo a leanas:

Is féidir tacair sonraí a fhoilsítear ar Léarscáileanna Bithéagsúlachta atá ceadúnaithe faoi CC-BY 4.0 a íoslódáil i bhformáid CSV. Féadfar sonraí atá ceadúnaithe faoi CC-BY a chur san áireamh freisin i dtuarascálacha saincheaptha a ghineann an tIonad Sonraí. Mar sin féin, ní fhoilsítear seoltaí ríomhphoist go deo ar Léarscáileanna Bithéagsúlachta.

Má tá tú cláraithe mar sholáthraí tacair sonraí ar Léarscáileanna Bithéagsúlachta, beidh sonraí teagmhála curtha ar fáil i meiteashonraí an tacair sonraí nuair a cuireadh an tacar sonraí ar fáil don Ionad Sonraí ar dtús. Foilseofar na sonraí seo le meiteashonraí an tacair sonraí ar Léarscáileanna Bithéagsúlachta.

Beidh polasaithe sonraí ábhartha comhchosúla i bhfeidhm ag ár dtríú soláthraithe seirbhíse.

Aon sonraí pearsanta a bhailímid, is chun seirbhísí an Ionaid Sonraí a sholáthar duitse amháin iad. Ní chuirfimid do shonraí pearsanta ar fáil do thríú páirtithe go deo chun críocha margaíochta nó fógraíochta.

Coinneoimid sonraí chomh fada agus a bheidh gá leo chun go bhféadfar seirbhísí na cuideachta a sholáthar duit.

Déanfaidh an chuideachta gach beart réasúnach chun a chinntiú go gcoimeádtar slándáil agus sláine do chuid sonraí pearsanta i gcónaí.

Má tá imní ort maidir le do chuid sonraí, tá sé de chumas agat iarratais réasúnta a dhéanamh chun an fhaisnéis seo a fheiceáil, í a cheartú nó a scriosadh/a anaithnidiú. Téigh i dteagmháil linn trí ríomhphost ag info@biodiversityireland.ie le haon imní a bheadh ort sa réimse seo.

Más fearr leat go mbainfí do shonraí nó go ndéanfaí iad a anaithnidiú, déan teagmháil leis an Ionad Sonraí trí ríomhphost ag info@biodiversityireland.ie.

D'fhéadfadh ár suíomhanna gréasáin roinnt faisnéise a stóráil ar do ríomhaire i bhfoirm "Fianán". Is comhad beag téacs é Fianán a shábháiltear go háitiúil ar do ríomhaire agus a chuireann ar ár gcumas eispéireas úsáideora níos oiriúnaithe a sholáthar duit. Tá sé de cheart agat diúltú glacadh le fianáin trína gcur faoi bhloc i do bhrabhsálaí idirlín. Mar sin féin, d'fhéadfadh eispéireas úsáideora laghdaithe a bheith agat mar gheall air sin, ós rud é nach mbeidh leathanaigh ghréasáin áirithe in ann do rogha a choinneáil idir athluchtú leathanach srl.

Cloíonn an tIonad Náisiúnta Sonraí Bithéagsúlacta leis an Acht um Shaoráil Faisnéise (FOI) 2014.