Algaí

In 2010, mar chuid den tionscnamh chun athbhreithniú a dhéanamh ar Staid an Eolais ar Éagsúlacht Bhitheolaíoch na hÉireann chuir an tIonad Náisiúnta Sonraí Bithéagsúlacta fardal d’fhoinsí sonraí bithéagsúlachta le chéile. Forbraíodh an fardal trí chuireadh a thabhairt do shaineolaithe aitheanta náisiúnta staid an eolais a aithint.

Tá an Fardal Bithéagsúlachta leagtha amach go hiomlán i rannóga de réir grúpála tacsanaimíche le forbhreathnú. Leanann gach rannóg an fhormáid chéanna; seicliosta na hÉireann, líon na speiceas, príomhfhoinsí sonraí dáileacháin, measúnú caomhnaithe Náisiúnta, agus suirbhéanna monatóireachta nó athshuirbhéanna atá i bhfeidhm. Ligeann an leagan amach seo don léitheoir staid an eolais ar ghrúpaí éagsúla a chur i gcomparáid.

Algaí – Liam Lysaght

Seicliosta na hÉireann

Tá Réamh-sheicliosta d’Algaí na hÉireann curtha le chéile ag Michael D. Guiry (Meán Fómhair, 2019).

Baintear an réamh-sheicliosta d’ainmneacha reatha d’algaí fionnuisce, mara agus talún (aerófaíteacha san áireamh) na hÉireann as na sonraí dáileacháin in AlgaeBase amhail Meán Fómhair 2019, agus tá gach ainm agus a fhoinse inrianaithe ar líne ansin. Tá tuairim is 2,879 ainm speicis reatha san áireamh faoi láthair. Cuimsítear naoi bhfíleam/roinn, ocht gcinn acu as an Eukaryota agus ceann amháin (Cyanobacteria) as an Prokaryota.

Tá seicliostaí náisiúnta ar fáil do dheismidí (John, Williamson & Guiry, 2011) agus feamainn (Guiry 2012), agus do dhiatóim le Carter in Wolnik & Carer (2014).

Líon na speiceas algaí

2,879 speiceas aitheanta (ach is dócha go rachaidh an líon cruinn thar 5,000 speiceas, nó thart ar 10% de speicis algaí an domhain)

Tábla seicliostaí do speicis Algaí

Fíleam Speicis san áireamh Gnáthainm(neacha) Gnáthóg (Mara (M), Fionnuisce (F), Talún (T)) Iomláine mheasta (%)
Bacillariophyta 1,065 Diatóim M, F agus T 50
Charophyta 639 Carafóitigh, Deismidí F 80
Chlorophyta 300 Algaí glasa M, F agus T 60
Cryptophyta 1 Cripteafóitigh F ?
Cyanobacteria 221 Algaí gormghlasa M, F agus T 70
Glaucophyta 1 Glácafóitigh F ?
Mioza 55 Díneaflaigéalaigh M agus F 25
Ochrophyta 238 Ocrachrómafóitigh, Tribifítigh, algaí donna, feamainn M, F agus T 80
Rhodophyta 359 Algaí dearga, feamainn M agus F 90
Iomlán 2,879

Halochlorococcum moorei – David Fenwick

Príomhfhoinsí sonraí dáilte

Is é an tIonad Náisiúnta Sonraí Bithéagsúlachta a choinníonn na bunachair sonraí go léir agus tá teacht orthu trí Léarscáileanna Bithéagsúlachta.

Measúnú náisiúnta caomhnaithe

  • Tuairisciú Airteagal 17 – Lithothamnion corallioides agus Phymatolithon calcareum liostaithe i dTreoir an Aontais Eorpaigh maidir le Gnáthóga: An tSeirbhís Páirceanna Náisiúnta agus Fiadhúlra, 2019. Stádas Gnáthóg agus Speiceas atá faoi Chosaint an AE in Éirinn. SPNF, An Roinn Cultúir, Oidhreachta agus Gaeltachta, Baile Átha Cliath.
  • Stewart, N.F. & Church, J.M.1992. Red Data Books of Britain and Ireland: Stoneworts. The Joint Nature Conservation Committee, Peterborough, an Ríocht Aontaithe.

Monatóireacht nó athshuirbhéanna i bhfeidhm

Clár Faireacháin an Chreata Uisce (EPA). Áirítear algaí in obair suirbhé inbhir & chósta.

Faigh nuacht bithéagsúlachta, sonraí faoi imeachtaí agus eolas faoi chúrsaí díreach chuig do bhosca isteach.

Cláraigh dár Nuachtlitir mhíosúil