Breis agus 702 milliún taifead bithéagsúlachta sroichte ag GBIF

Tá tairseach sonraí na Saoráide Faisnéise Domhanda um Bhithéagsúlacht (GBIF) ag fás i gcónaí ar ráta dochreidte. Foilsíonn an tairseach sonraí oscailte domhanda seo 702 milliún taifead anois ó 30,712 tacar sonraí ar leith. Is acmhainn thar a bheith tábhachtach í seo atá ar fáil chun cabhrú le tuiscint a fháil ar an gcaoi a bhfuil bithéagsúlacht dhomhanda ag athrú, agus atá ar fáil chun cur le beartais bhithéagsúlachta idirnáisiúnta agus le tionscnaimh eolaíochta bithéagsúlachta. Tá áthas ar an Ionad Náisiúnta Sonraí um Bhithéagsúlacht a bheith ar dhuine de 54 rannpháirtí tíre a fhoilsíonn sonraí oscailte chuig an tairseach seo, rud a chinntíonn go bhfuil sonraí na hÉireann ag cur leis na hacmhainní sonraí domhanda seo. Ós rud é gur ball de GBIF í Éire, ciallaíonn sé sin go bhfuil na hacmhainní sonraí fairsinge seo ar fáil do phobal taighde na hÉireann freisin.

Cuireann Rúnaíocht GBIF forbhreathnuithe rialta ar fáil ar fhás an bhunachair shonraí dhomhanda, cuireann sí staitisticí tábhachtacha i láthair faoi úsáidí na sonraí seo, agus tugann sí aird ar mhíreanna nuachta a léiríonn luach na hacmhainne seo. Le déanaí, tá go leor samplaí de thaighde a úsáideann sonraí GBIF sna nuashonruithe; tá siad seo thar a bheith suimiúil agus léiríonn siad an chaoi a gcuireann sonraí GBIF leis an gcomhéadan eolaíochta-beartais.

Is féidir an nuashonrú is déanaí de chuid GBIF a íoslódáil trí chliceáil ar an íomhá thuas.